Оңтүстік Корея президенті тұтқындалатын болды - сот бұған ордер берді

Бұндай шешімді Сеул соты қабылдаған

Фото: reuters

Сеул Соты қызметінен шеттетілген Оңтүстік Корея президенті Юн Сок Елді тұтқындауға ордер берді, деп хабарлайды Azattyq Rýhy BBC-ге сілтеме жасап.

«Бүлік жасамақ болды», «мемлекетке сатқындық жасады» деген сияқты күдікке ілінген Юн кейінгі екі аптада үш рет тергеуге шақырылды, бірақ ол ешқайсысына бармаған. Өткен жексенбіде тергеушілер соттан Юнды қамауға ордер беруді сұраған.

Оңтүстік Корея қазір саяси дағдарысты басынан өткеріп жатыр. Қызметінен алынған президент Юн Сок Ел елде әскери жағдай жариялап, саяси жағдайды ушықтырып алды. Парламент оның мұрагеріне де импичмент жариялады.

Юн Сок Ел - Оңтүстік Кореяда билікте отырып тұтқындалған алғашқы мемлекет басшысы.

Мақалада

#саясат #әлем жаңалықтары

Алдыңғы жаңалық

Қазақстан саяси қысымға қарамастан қара жәшікті Бразилияға берді – Елнұр Бейсенбаев Ақтаудағы ұшақ апаты туралы