Референдумға орай 177 бақылаушы ресми тіркеуден өтті – Мұхтар Ерман

Оның айтуынша, бақылаушылар 30 шет ел мен 4 халықаралық ұйымның атынан тіркелген

видеодан скриншот

2024 жылдың 6 қазаны күні Қазақстанда өтетін жалпыұлттық референдумға 177 бақылаушы ресми тіркелген. Бұл туралы бүгін Орталық референдум комиссиясында өткен баспасөз мәслихатында ОСК хатшысы Мұхтар Ерман мәлім етті, деп хабарлайды Azattyq Rýhy.

Оның айтуынша, бұл бақылаушылар 30 елден, соның ішінде 4 халықаралық ұйымнан тіркелген.

«Биыл 3 қыркүйекте қабылданған қаулының негізінде аккредитация 2024 жылдың 30 қыркүйегі күні, Астана уақыты бойынша сағат 18:00-де аяқталған. Осылайша, 177 байқаушы ресми тіркеуден өтті, олар 30 шет мемлекет пен 4 халықаралық ұйымның өкілдері», - деді Мұхтар Ерман.