Қазақстанда полицияның парасатын тексеретін заң шығады

Сыбайлас жемқорлыққа қарсы іс-қимыл агенттігі құқық қорғау органдарындағы қызметкерлердің парасатын тексеру мақсатында «Кәсіби парасатын тестілеу туралы» заң жобасын әзірлеген, деп хабарлайды Azattyq Rýhy.

Антикордың мәліметіне сүйенсек, қазір бұл тәсіл Австралия, Венгрия, Молдова, Румыния, АҚШ сияқты елдерде бар әдіс. Бұл модел адамның жемқорлыққа жақын-алыс екенін анықтайды.

«Заң жобасында тестіленуші тұлғалар мен тестілеушілердің құқықтары мен міндеттері, тестілеуді тағайындау үшін негіздер, оны өткізу рәсімдері, жауапкершілік шаралары және басқа да мәселелер регламенттелген», - деп жазды Антикор.