Назарбаев Токиода Зеленскиймен кездесті

Жарияланған:
22.10.2019, 15:05

Елбасы Нұрсұлтан Назарбаев Украина президенті Владимир Зеленскиймен кездесті, деп хабарлайды elbasy.kz

elbasy.kz

Елбасы Зеленскийді Украина президенті лауазымына тағайындалуымен құттықтап, алдағы жұмысына табыс тіледі. Сондай-ақ Украинаның әр күнін жіті қадағалап отыратынын айтты.

«Украина мен үшін бөтен емес. Бұл тек кезінде осы елде 2 жыл білім алғандығым үшін емес. Тәуелсіздікке қол жеткізген күннен бастап Сіздің елді басқарған барлық президенттермен жақсы қарым-қатынаста болдым», - деді Елбасы.  

Сондай-ақ Елбасы Украинада болып жатқан оқиғаларға алаңдаушылық білдірді. Украинаның оңтүстік-шығысындағы қақтығысты бейбіт жолмен шешудің маңыздылығын атап өтті.

«Сіз халықтың үлкен сенім білдіруімен сайлауда жеңіске жеттіңіз. Ойлаған дүниелеріңізді іске асыруға қазір мол мүмкіндігіңіз бар», - деді Елбасы.

Өз кезегінде В.Зеленский таяуда Нью-Йоркте Қазақстан Президенті Қасым-Жомарт Тоқаевпен танысқанын айтып, Елбасы Н.Назарбаевты өз еліне шақырды.

Кездесу барысында Владимир Зеленский Украинаның кең ауқымдағы мәселелер бойынша Қазақстанды үнемі қолдап келе жатқанын жеткізді.  Бұдан бөлек, тараптар екі ел арасындағы достық қарым-қатынасты нығайтып, тауар айналымын арттыру мәселелерін талқылады.

Естеріңізге сала кетейік, кеше Елбасы Нұрсұлтан Назарбаев Жапонияның императоры Нарухитоның таққа отыруына арналған ресми шараға қатысу үшін Токиоға барды

Біздің ең маңызды және қызықты жаңалықтарды біздің Telegram-каналдан оқыңыз
Өзге де қызықты мақалалар
Назарбаев ұсыныс жасады: Кремльдің жауабы қандай?
Қорғаныс министрі Президентке есеп берді
Қазақстан Президенті Иранның Сыртқы істер министрін қабылдады

Сұхбат
Ресейде 800-900 мың қазақ өмір сүріп жатыр деген мәлімет бар, кей дереккөзде 1,5 миллион деп жазылған
«Абайдың 45 сұрағына» Арыстанбек Мұхамедиұлы жауап берді 
Абайдың 45 сұрағына алғаш болып жауап берген - Мәжіліс депутаты Нұртай Сабильянов
Бүгінде Кореяда жұмыс істеп жатқан қазақтардың саны артып келеді. Күнкөріс қамымен шетел асып барғандардың көпшілігі визасыз жұмыс істеп жүр.