Дариға Назарбаева Валентина Матвиенкомен кездесті

Жарияланған:
22.10.2019, 22:11

Мәскеуде Қазақстан Республикасы Парламенті Сенатының төрағасы Дариға Назарбаева РФ Федералдық Жиналысы Федерация Кеңесінің спикері Валентина Матвиенкомен кездесті, деп хабарлайды «ҚазАқпарат» ақпараттық порталы.

Кездесуді ашқан Валентина Матвиенко Қазақстан мен Ресей қарым-қатынастарының жоғары деңгейіне тоқталды.

 «Сізден менің Нұрсұлтан Әбішұлына шын жүректен және ізгі тілектерімді жеткізуіңізді сұраймын. Біз жылдар бойы бір-бірімізді білеміз. Мен оның ізгі қарым-қатынасын қатты бағалаймын. Әрқашан оған үлкен құрметпен қараймын. Ол шынымен де, Қазақстанның мемлекеттілігінің жаңа парағын жазып, Ресей-Қазақстан қарым-қатынастарының дамуына үлкен үлес қосты», - деді ол.

Өз кезегінде Дариға Назарбаева Красноярск аймағында бөгеттің бұзылуы салдарынан адамдар көз жұмған жағдайға байланысты көңіл айтты. Сондай-ақ Сенат спикері Валентина Матвиенконы Федерация Кеңесінің төрағасы болып қайта сайлануымен құттықтады. Ол сонымен қатар, Елбасы Нұрсұлтан Назарбаев пен Қазақстан Президенті Қасым-Жомарт Тоқаевтың құттықтауын жеткізді.

«Біз парламентаралық байланыстардың қарқынды дамып жатқанын әрқашан үлкен оптимизммен атап өтеміз», - деді палата басшысы.

Кездесу барысында Дариға Назарбаева бірлескен шешімді қажет ететін, соның ішінде Парламент деңгейінде талап ететін бірқатар проблеманы атады. Нақтырақ айтқанда, екі ел азаматтарының барып-келу режиміндегі теңгерімсіздіктің жалғасып жатқандығы, шекарадан өткізу пункттерін кеңейту қажеттілігі, сондай-ақ Жайық өзеніндегі экологиялық мәселелер атап өтті.

Біздің ең маңызды және қызықты жаңалықтарды біздің Telegram-каналдан оқыңыз
Өзге де қызықты мақалалар
Қасым-Жомарт Тоқаев Сооронбай Жээнбековты құттықтады
Ташкентте Орталық Азия елдерінің Сыртқы істер министрлері кездесті
Дариға Назарбаева Армения премьер-министрі Никол Пашинянмен кездесті

Сұхбат
Ресейде 800-900 мың қазақ өмір сүріп жатыр деген мәлімет бар, кей дереккөзде 1,5 миллион деп жазылған
«Абайдың 45 сұрағына» Арыстанбек Мұхамедиұлы жауап берді 
Абайдың 45 сұрағына алғаш болып жауап берген - Мәжіліс депутаты Нұртай Сабильянов
Бүгінде Кореяда жұмыс істеп жатқан қазақтардың саны артып келеді. Күнкөріс қамымен шетел асып барғандардың көпшілігі визасыз жұмыс істеп жүр.