Тоқаев пен Сербия президенті телефон арқылы сөйлесті

Қазақстан президенті Қасым-Жомарт Тоқаев пен Сербия Президенті Александр Вучич телефон арқылы сөйлесті, деп хабарлайды Azattyq Ruhy.

«Әңгімелесу барысында Қасым-Жомарт Тоқаев пен Александр Вучич екіжақты ынтымақтастықты жандандыру, соның ішінде бұған дейін қол жеткізілген уағдаластықтарды жүзеге асыру және биылғы екінші жартыжылдықта Қазақстан Президентінің Белградқа сапарын ұйымдастыру мәселелерін талқылады», - деп хабарлайды Ақорда.  

Тараптар сондай-ақ өңірлік және халықаралық күн тәртібіндегі бірқатар өзекті мәселе жөнінде пікір алмасқан.