"Көкшетау, Семей, Өскемен". Қазақстан мен Ресей үш ірі нысан салу туралы келісті

Бүгін Қазақстан Республикасы мен Ресей Федерациясының энергетика министрліктері арасында Көкшетау, Семей және Өскемен қалаларында ЖЭО салу жобалары бойынша ынтымақтастық туралы келісімге қол қойылды, деп хабарлайды Azattyq Ruhy.

Қол қою рәсімі Энергетика министрлігінде өткен. Министрліктің баспасөз қызметі таратқан ақпаратқа сенсек, Ресей тарапынан "ИНТЕР РАО – Экспорт" ЖШҚ, ал, Қазақстан тарапынан "Самұрық-Энерго"АҚ уәкілетті ұйым болып бекіген.

"Үш облыс орталығында – Семей, Көкшетау және Өскеменде үш жаңа ЖЭО іске асыру энергетикалық көмірдің мол қорын ескере отырып, олардың одан әрі дамуына қуатты серпін береді", - дейді ҚР Энергетика министрі Алмасадам Сәтқалиев.