Қытай Дүниежүзілік банктің реформалар бағдарламасын қолдайды
Дүниежүзілік банк те елмен ынтымақтасуға ниетті екенін жеткізді
ҚХР Мемлекеттік кеңесінің Премьері Ли Цян Бейжіңде Дүниежүзілік банктің президенті Аджай Бангамен кездесу өткізді, деп хабарлайды Azattyq Ruhy.
Ли Цянаның айтуынша, Қытай Дүниежүзілік банктің реформалар бағдарламасын қолдайтынын жеткізді.
«Қытай Дүниежүзілік банк кедейлікті азайтуға және дәстүрлі секторларға инвестицияларды көбейтіп, дамушы елдердің өкілдігін кеңейтеді деп үміттенеді», - дейді Ли Цян.
Өз кезегінде Аджай Банга Дүниежүзілік банк Қытаймен ынтымақтастықты тереңдетуге және оның сапалы дамуына қатысуға дайын екенін атап өтті.
Сондай-ақ, Ли Цян Халықаралық валюта қорының басқарушы директоры Кристалина Георгиевамен кездесу өткізді.
Cgtn хабарлағандай, ол ХВҚ ашық әлемдік экономиканы құру үшін экономикалық жаһандану мен еркін сауданы ілгерілетуде оң рөл атқара беретініне сенім артты. Өз кезегінде Георгиева ХВҚ Қытаймен одан әрі ынтымақтастыққа және Қытайдың ХВҚ-дағы өкілдігін күшейтуге дайын екенін мәлімдеді.
