Берік Уәли Президент өкілеттігінің мерзімі туралы алып-қашпа сөздерді жоққа шығарды
Конституцияға сәйкес мемлекет басшысының өкілеттігі 2029 жылы аяқталады
ҚР президентінің баспасөз хатшысы Берік Уәли Қасым-Жомарт Тоқаевтың өкілеттігіне қатысты жағдайды түсіндірді. Оның айтуынша, президенттің қайта сайланатыны туралы болжамдар негізсіз, деп хабарлайды Azattyq Ruhy Zakon.kz-ке сілтеме жасап.
Бүгін бірқатар шетелдік БАҚ Қасым-Жомарт Тоқаевтың өкілеттігі 2026 жылы аяқталады деп хабарлады. Бірақ бұл жағдайды мемлекет басшысының кеңесшісі Берік Уәли түсіндірді.
«Бұл кейбір журналистердің еліміздегі жағдайдан бейхабарлығынан туындаған мәселе болуы мүмкін. Шын мәнінде, мемлекет басшысы "Egemen Qazaqstan" газетіне берген сұхбатында "2026 жылы референдум өткізу арқылы Конституцияға өзгеріс енгізіп, келесі сайлауға қатысады" деген алып-қашпа сөздерді жоққа шығарды. Өздеріңізге мәлім, президент 2022 жылдың қараша айында жеті жылға сайланды. Конституцияға сәйкес мемлекет басшысының өкілеттігі 2029 жылы аяқталады», - деді Берік Уәли.
