Даниал Ахметов ШҚО әкімі лауазымынан босатылды

Ол облысты 2014 жылдан бері басқарып келді

Мемлекет басшысының Жарлығымен Даниал Кенжетайұлы Ахметов Шығыс Қазақстан облысының әкімі лауазымынан босатылды, деп хабарлайды Azattyq Ruhy Ақорданың баспасөз қызметіне сілтеме жасап.

Еңбек жолында ол бірқатар қызметтерді атқарған:

«Павлодаржилстрой» тресінің үй құрылысы комбинатының шебері (1976-1981);
КОКП Екібастұз қалалық комитетінің нұсқаушысы (1981-1983);
«Екібастұзшахстрой» Комбинаты бас инженерінің орынбасары, партком хатшысы (1983-1987);
Екібастұз қалалық атқару комитеті төрағасының орынбасары (1987-1991);
«Екібастұзэнергожилпромстрой» трестінің басқарушысы (1991-1992);
Екібастұз қалалық әкімшілігінің басшысы (1992-1993);
Әкімшілік басшысы, Павлодар облысының әкімі (1993-1997);
Солтүстік Қазақстан облысының әкімі (12.1997-10.1999);
Қазақстан Республикасы Премьер-Министрінің Орынбасары (10.1999-21.12.2000);
Қазақстан Республикасы Премьер-Министрінің бірінші орынбасары (21.12.2000-21.11.2001);
Павлодар облысының әкімі (21.11.2001-13.06.2003);
Қазақстан Республикасының Премьер-Министрі (13.06.2003-08.01.2007);
Қазақстан Республикасының Қорғаныс министрі (10.01.2007-17.06.2009);
Экологиялық энергетика саласындағы компания басшысы (12.2010);
Энергетика және инфрақұрылым министрі - Еуразиялық экономикалық комиссия алқасының мүшесі (2012-11.2014);
Шығыс Қазақстан облысының әкімі (11.11.2014, 06.2017, өкілеттіктер 17.06.2019 ұзартылды, 07.12.2022 бастап қайта тағайындалды) лауазымын атқарды.