Сингапур Президенті Халима Якоб Қасым-Жомарт Тоқаевтың дипломатиялық мансабы Сингапурдан басталғанын еске алды

Ол екі ел арасындағы қарым-қатынастың әлдеқайда ертерек орнағанын атап өтті

Қазақстанға мемлекеттік сапармен келген Сингапур Президенті Халима Якоб Қасым-Жомарт Тоқаевпен келіссөздер барысында Мемлекет басшысының Сингапурда дипломатиялық мансабын бастағанын еске алды, деп хабарлайды Azattyq Ruhy BORT№1 Telegram каналына сілтеме жасап.

Онда Қазақстан Президенті 1975 жылдан 1979 жылға дейін жұмыс істеді.

«Сіз Сингапурда 1970 жылдары дипломат болып қызмет еттіңіз. Әрине, бұл біз үшін өте маңызды, өйткені біздің қарым-қатынасымыз әлдеқайда ертерек орнатылған. Мұны бәрі біледі деп ойлаймын. Құрметті Президент, сіз көптеген тілдерде өте еркін сөйлейсіз: қытай, орыс және француз тілдерінде. Әрине, ағылшын тілін де, сіз қазақ тілін де білесіз, Сіздің тілдерді меңгеру дарыныңыз ерекше», - деді Халима Якоб Қасым-Жомарт Тоқаевпен болған келіссіздер барысында.