Түркияда Президенттік сайлаудың ресми үгіт-насихаты басталды

Түркияда Президент пен Парламент сайлауына үгіт-насихат жұмыстары ресми түрде басталып кетті. Түркі халқы 14 мамырда елдің жаңа президентін сайлауға барады. Халық бұл күні Президенттен бөлек 28-ші мерзімді Парламент депутаттарын да анықтайды, деп хабарлайды Azattyq Ruhy.

Президенттік кандидаттыққа өтініштер қабылдау ертең, яғни 19 наурыздан бастап қабылданады. Партиялар президентке үміткер кандидаттарын 23 наурызға дейін тапсыруы тиіс. Сайлаушылар ұсыну үшін партия немесе кандидат кемі 100 мың қол жинау керек. Бұл қолдар 22-27 наурыз аралығында округтік сайлау комиссияларында жиналады. Саяси партиялардың президенттікке кандидатураларын қабылдаудың соңғы мерзімі - 23 наурыз.

«Саяси партиялар 24 наурызға дейін альянс хаттамаларын тапсырады. Одақ құрып сайлауға қатысатын партиялар 24 наурызға дейін басшылар қол қойған хаттаманы Жоғары сайлау кеңесіне ұсынады. Президенттікке кандидаттардың нақты тізімі 31 наурызда Ресми газетте жарияланады. Осылайша, президент сайлауының үгіт-насихат кезеңі басталады», - делінген хабарламада. 

Біріккен сайлау бюллетеньдері бойынша президенттікке кандидаттардың орны 1 сәуірде, ал альянстар мен саяси партиялардың орындары 8 сәуірде анықталады. Парламент депутаттығына саяси партиялардың сайлау округтері бойынша кандидаттардың тізімін ұсынуы 9 сәуірде аяқталады. Парламент депутаттығына үміткерлердің соңғы тізімі 19 сәуірде жарияланады.

Саяси партиялар мен сайлаушылар тарапынан президенттікке кандидаттарды ұсыну тәртібі мен қағидаларын белгілеген Жоғарғы сайлау кеңесінің шешімдері де шыққан. 40 жастан асқан және жоғары білімді Түркия Ұлы Ұлттық Мәжілісінің мүшелері, Парламент депутаты болып сайлануға құқығы бар түрік азаматтары ұсынылады. Ал президенттік кандидаттарға 40 жасқа толмағандар, жоғары білімі жоқтар, әскери қызметте жүргендер, шектеулі тұлғалар, мемлекеттік қызметке тыйым салынғандар, жалпы бір жылға сотталғандар немесе одан да көп бас бостандығынан айыру немесе кешірілген болса да, мерзіміне қарамастан бас бостандығынан айыруға, жымқыру, бопсалау, пара алу, ұрлық, алаяқтық, жалғандық жасау, сенімге қиянат жасау, алаяқтық банкроттық, контрабанда қылмыстары сияқты қылмыстар үшін сотталғандар, ресми тендерлер мен сатып алулардағы сөз байласу, мемлекеттік құпияны жария ету бойынша айыпталғандар президенттік сайлауға түсе алмайды.

«Түрік Қылмыстық кодексінің екінші кітабының бірінші тарауында жазылған қылмыстар үшін немесе осы қылмыстарды жасауға жария түрде арандату үшін сотталғандар, террористік актілер үшін сотталғандар бірінші, екінші және үшінші бөлімде жазылған әрекеттермен бірдей. Түрік Қылмыстық кодексінің 536-бабының үшінші тармақтары Заңның 537-бабының бірінші, екінші, үшінші, төртінші және бесінші тармақтарында жазылған әрекеттерді саяси және идеологиялық мақсатта жасағаны үшін сотталғандар кандидат бола алмайды», - делінген хабарламада.

Саяси партиялардың ұсынуы үшін Түркия Ұлы Ұлттық Мәжілісінде тобы бар саяси партиялар топ шешімімен президенттікке ұсынылуы мүмкін, ал соңғы парламенттік жалпы жиналыста жалғыз немесе бірге жарамды дауыстардың кемінде 5 пайызын алған саяси партиялар президенттікке ұсынылуы мүмкін.