Пәкістан премьер-министрі Тоқаевты қайта сайлануымен құттықтады

Әңгімелесу барысында екі ел арасындағы өзара сауда-саттықтың қарқынды дамып келе жатқаны атап өтілді

Қасым-Жомарт Тоқаев Пәкістан Премьер-министрі Шахбаз Шарифпен телефон арқылы сөйлесті, деп хабарлады Ақорданың баспасөз қызметі.

Шахбаз Шариф Қасым-Жомарт Тоқаевты кезектен тыс Президент сайлауындағы жеңісімен құттықтады.

Мемлекет басшысы Пәкістан Премьер-министріне құттықтағаны үшін ризашылығын білдіріп, Пәкістан Қазақстанның Оңтүстік Азиядағы негізгі серіктестерінің бірі екенін жеткізді.

Әңгімелесу барысында екі ел арасындағы өзара сауда-саттықтың қарқынды дамып келе жатқаны, энергетика және көлік секторларындағы ынтымақтастықтың кеңейе түскені атап өтілді.

Мақалада

#Қасым-Жомарт Тоқаев #Премьер-Министр #Пәкістан #президент сайлауы #құттықтау

Алдыңғы жаңалық

Мемлекет басшысы Қарағанды облысының әкімін қабылдады