АҚШ конгресі Дональд Трамптың Иранға қарсы өкілетін шектеді

АҚШ президенті Дональд Трамп енді конгрестің рұқсатынсыз Иранға қарсы әскери іс-қимылды өз бетімен бастай алмауы мүмкін. Өйткені АҚШ конгресінің сенаты оның өкілеттілігін шектеу жөнінде арнайы қарар мақұлдады.

Бірқатар әлемдік БАҚ-тың хабарлауынша, қарарға  Конгрестің 55 мүшесі  жақтап дауыс берсе, 45-і қарсылық білдірген. Сонымен қатар, құжатты демократтардан басқа республикалық партияның 8 мүшесі қолдаған.

Енді қарарды АҚШ өкілдерінің палатасы қарайды. Дональд Трамптың өзі  қарарға қарсылық білдірді. Ақ үй қожайыны мұны «демократияның әлсіздігінің көрінісі» деп есептейтінін айтты.

Иран мен  АҚШ-тың  арасы 3 қаңтарға қараған түні шиеленісіп кеткен. Себебі АҚШ арнайы операция кезінде Иранның «Әл-Кудс» күштерінің қолбасшысы генерал Қасем Сулейманиді атып өлтірген болатын. Бұл соққыға жауап ретінде Тегеран Американың Ирактағы әскери базаларына зымыранмен соққы жасаған еді.