ШұғылӨткен аптада Қазақстанда коронавирустан 28 адам қайтыс болды

Мемлекет басшысы бірқатар заңға қол қойды

Президент «Міндетті әлеуметтік сақтандыру туралы» және «Тарихи-мәдени мұра объектілерін қорғау және пайдалану туралы» заңдарға қол қойды

Қазақстан Президенті Қасым-Жомарт Тоқаев бірнеше заңға қол қойды, деп хабарлайды Ақорда сайты.

Мемлекет басшысы Қазақстан Республикасының «Міндетті әлеуметтік сақтандыру туралы» және «Тарихи-мәдени мұра объектілерін қорғау және пайдалану туралы» заңдарына қол қойды.

Сондай-ақ, Мемлекет басшысы Қазақстан Республикасының кейбір заңнамалық актілеріне тарихи-мәдени мұра мәселелері, әлеуметтік сақтандыру, әлеуметтік қамсыздандыру және денсаулық сақтау саласындағы мемлекеттік-жекешелік әріптестік мәселелері, әкімшілік-аумақтық құрылысы, мемлекеттік басқару жүйесін, бюджетаралық қатынастарды жетілдіру, кредиттеу және білім беру мәселелері, оңалту және банкроттық рәсімдерін, бюджет, салық заңнамасын және теміржол көлігі туралы заңнаманы жетілдіру мәселелері бойынша өзгерістер мен толықтырулар енгізу туралы Қазақстан Республикасының Заңына қол қойды.