Бүгін Президент коронавирусқа қарсы күрес бойынша кеңес өткізеді

Жиында өңірлердегі жағдайды жақсартуға және ел азаматтарының денсаулығын сақтауға бағытталған іс-қимыл жоспары қабылданбақ

Фото: ашық дереккөзден

Бүгін Президент Қасым-Жомарт Тоқаев еліміздегі санитарлық-эпидемиологиялық ахуал жөнінде жұмыс кеңесін өткізеді, деп хабарлайды Azattyq Rýhy.

Бұл жөнінде Президенттің баспасөз хатшысы Берік Уәли ресми мәлімет таратты.

«Жиынға премьер-министр, ведомстволардың басшылары, қалалар мен облыстардың әкімдері қатысады. Мемлекет басшысы коронавирус індетіне қарсы күрес жөніндегі шаралар туралы Үкіметтің есебін тыңдайды. Кеңес барысында өңірлердегі жалпы жағдайды жақсартуға және Қазақстан азаматтарының денсаулығын сақтауға бағытталған үйлесімді іс-қимыл жоспары қабылданбақ», - делінген хабарламада.

Мақалада

#президент #коронавирус #эпидахуал

Алдыңғы жаңалық

«Үміткерлерді жаңа жағдайда жұмыс істеуге үйретеміз». Nur Otan-да ауыл әкімдерінің сайлауына дайындық туралы айтты