Германияда коронавирустың үшінші толқыны басталды – Меркель

Канцлер вирустың мутацияланған типтерімен күресудің маңыздылығын айтты

Германияда коронавирустың үшінші толқыны басталды – Меркель
Фото: ашық дерек көздерден

Германияда коронавирустық аурудың таралуы төмендеді. Алайда, пандемияның үшінші толқыны қазірдің өзінде байқалып жатыр. Бұл туралы Ангела Меркель мәлімдеді, деп хабарлайды Azattyq Rýhy тілшісі РИА Новостиге сілтеме жасап.

«COVID-19 таралуының азайғанына біз қуанып отырмыз. Алайда, үшінші толқын белгіленді, біз онымен күресуіміз керек. Өткен жылы біз вирус мутациясының дамуын болжай алмадық. Осы мутациялар туралы алғашқы есепті алдық... Мутациялардың саны артып келеді. Олардың саны қаншалықты тез артады деген сұрақ туындайды», - деді канцлер.

Кездесу қорытындысы бойынша, ГФР-да өткен жылдың 2 қарашасында енгізілген локдаун 7 наурызға дейін ұзартылды.

Қазіргі уақытта елде азық-түлік дүкендері, дәріханалар, оптика, банктер, газет дүңгіршектері, пошта бөлімшелері, үй жануарлары дүкендері, медициналық мекемелерден басқа барлық мекемелер жабық. Мектеп оқушылары қашықтықтан оқытуға жіберілді, балабақшалардың жұмысы туралы шешім өңірлерге тапсырылды.

×
Бұл желілік ресурстың ақпараттық өнімдері 18 жастан асқан адамдарға арналған.