Трамп 2024 жылы президент сайлауына қатыса ма?

АҚШ-тың экс-президенті Дональд Трамп жақтастарына 2024 жылы мемлекет басшысы лауазымына сайланатынын айтты, деп хабарлайды Azattyq Rýhy тілшісі РИА Новостиге сілтеме жасап.

«Бұл керемет төрт жыл болды. Біз тағы төрт жыл жұмыс істеуге тырыстық. «Осымен бітті» деуге болмайды, төрт жылдан кейін сіздермен тағы көрісеміз», - деді Трамп республикалық партия ұлттық комитеті мүшелерінің алдында сөйлеген сөзінде. 

Бұған дейін Трамптың 2024 жылы АҚШ президенттігіне үміткер болуға ниетті екені туралы түрлі БАҚ хабарлаған. The New York Times газеті Трамп өзінің қарсыласы Джо Байденнің жеңісі расталғаннан кейін 2024 жылғы сайлауда өзінің кандидатурасын жариялай алады деп жазды. Басылым Daily Beast өзінің дереккөздеріне сілтеме жасай отырып, Трамп инаугурация аптасында кандидатурамен байланысты іс-шараны өткізу идеясын білдірді деп жазды. 

Айта кетейік, Трамп 3 қарашадағы сайлауда басымдыққа ие болған Байденнің жеңісін мойындамады.

Сымбат Ғалымжан, Нұр-Сұлтан