Қайрат Мәми Азиялық конституциялық сот ассоциациясының төрағасы болды

Жарияланған:
04.11.2019, 22:43

ААСС отырысында келесі жылы Нұр-Сұлтан қаласында Қауымдастықтың 4-ші конгресін өткізу мәселелері де талқыланды

Қайрат Мәми Азиялық конституциялық сот ассоциациясының төрағасы болды, деп хабарлайды Tengrinews.kz  Конституциялық кеңес баспасөз қызметіне сілтеме жасап. 

3 қарашада Азия конституциялық соттары және балама институттар қауымдастығының (ААСС) Мүшелері комитетінің отырысы өтті. Ұйымның құрамына жаңа мүшелер - Үндістанның және Мальдив Республикасының Жоғарғы Соттары қабылданды. Қазақстан Республикасының Конституциялық Кеңесі алдағы екі жылға Азия конституциялық соттары мен балама институттар қауымдастығының төрағасы болып бірауыздан сайланды. Отырыста келесі жылы Нұр-Сұлтан қаласында Қауымдастықтың 4-ші конгресін өткізу мәселелері де талқыланды.  

Қазақстан Республикасы Конституциялық Кеңесінің Төрағасы Қайрат Мәми 2019 жылғы 2-5 қараша аралығында Индонезияда өтіп жатқан азия елдерінің конституциялық бақылау органдарының кездесуіне және басқа да іс-шараларға қатысып жатқаны айтылады. 

Бірінші күні Қайрат Мәми Индонезия Республикасы Конституциялық Сотының Төрағасы Анвар Усман мырзамен екіжақты кездесу өткізді. Тараптар конституциялық әділет органдарының функцияларын іске асыру мәселелері бойынша пікір алмасты. Келіссөздер қорытындысы бойынша Қазақстан Конституциялық Кеңесі мен Индонезия Конституциялық Соты арасында ынтымақтастық туралы меморандумға қол қойылды. Ол Конституция үстемдігін қамтамасыз ету саласындағы екі органның өзара іс-қимылын жаңа деңгейге көтеруге бағытталған.

4 қарашада Қазақстан делегациясының басшысы Индонезия Конституциялық Сотының «Конституциялық Сот және әлеуметтік-экономикалық құқықтарды қорғау» тақырыбындағы 3-ші Халықаралық симпозиумының ашылу рәсіміне қатысты. Форум қатысушыларына Индонезияның Вице-Президенті Мааруф Амин мырза құттықтау сөз сөйледі.

Панельдік сессияларда Қазақстан Конституциялық Кеңесінің Төрағасы баяндама жасап, халықаралық заң жұртшылығын Кеңестің азаматтардың әлеуметтік-экономикалық құқықтарын қорғау мәселелеріне қатысты шешімдерімен таныстырды. Қайрат Мәми өз сөзінде атап өткендей, Конституцияның бірінші бабына сәйкес Қазақстан Республикасы өзін әлеуметтік мемлекет ретінде орнықтырады. Бұл норма Қазақстан өз азаматтарының лайықты өмір сүруі және жеке тұлғаның еркін дамуы үшін мемлекеттің мүмкіндіктеріне барабар жағдай жасау міндетін өзіне алатын мемлекет ретінде дамуға ниетті екенін білдіреді. Әлеуметтік және экономикалық құқықтарды қамтамасыз ету мемлекеттің тұрақты дамуы және қоғамдық сенім үшін үлкен маңызға ие.

Біздің ең маңызды және қызықты жаңалықтарды біздің Telegram-каналдан оқыңыз
Өзге де қызықты мақалалар
«Nur Otan» партиясының халық арасындағы беделі артып келеді – әлеуметтік зерттеу
Елбасы Жоғарғы cот төрағасы Жақып Асановты қабылдады
Бұрынғы спортшы – бүгінгі саясаткер

Сұхбат
«Абайдың 45 сұрағына» Мәжіліс депутаты Бақытгүл Хаменова жауап берді
Ресейде 800-900 мың қазақ өмір сүріп жатыр деген мәлімет бар, кей дереккөзде 1,5 миллион деп жазылған
«Абайдың 45 сұрағына» Арыстанбек Мұхамедиұлы жауап берді 
Абайдың 45 сұрағына алғаш болып жауап берген - Мәжіліс депутаты Нұртай Сабильянов