ҚР CІМ Дональд Трамптың Қазақстан туралы айтқан сөзіне жауап берді

Жарияланған:
03.11.2019, 16:36

ҚР Сыртқы істер министрлігінің ресми өкілі АҚШ президенті Дональд Трамптың Қазақстанға ресми сапармен ешқашан келмегенін айтты

© AP Photo / Susan Walsh

Қазақстанның Сыртқы істер министрлігі АҚШ президенті Дональд Трамптың Қазақстан туралы айтқан сөзіне қатысты пікір білдірді. Трамптың сөзі кезінде АҚШ-тың қорғаныс министрінің көпшілік алдындағы сөзін жазып берген Гай Снодграсстың кітабында жарияланды, деп жазады Sputnik.

Holding the Line: Inside Trump's Pentagon with Secretary Mattis авторы өткен жылдың қаңтар айында Пентагонда штаб басшылары комитетінің бірлескен кездесуіндегі АҚШ президентінің сөзін мысалға келтірген. Жиында Ауғанстанға қолдау көрсету мәселесі талқыланған болатын.

Қарулы күштер өкілдерімен өткен кездесуде Трамп әскери шығынды сөз еткен еді.

Кітап авторының айтуынша, Дональд Трамп Ауғанстан туралы сөзінде «Біз өзімізден басқаның бәріне көмектесеміз» деген болатын.

«Қазақстан өте бай мемлекет екенін білесіздер. Менің соңғы сапарым кезінде олар (кім екені нақтыланбайды) бізге рахмет айтты. Бірақ олар бізге неге төлемейді? Неге күресуге күш салмайды?», – деп жазады Гай Снодграсс өзінің кітабында Трамптың сөзін келтіріп.

Қазақстанның Сыртқы істер министрлігі Трамптың ресми сапармен Қазақстанға ешқашан келмегенін айтты.

«Мүмкін ол басқа ел туралы айтқысы келген шығар», – деді  Сыртқы істер министрлігінің ресми өкілі Айбек Смадияров.

Оның айтуынша, АҚШ Қазақстанның Ауғанстан дамуына қосқан үлесін жоғары бағалайды. Біздің еліміз Ауғанстанға гуманитарлық, техникалық және білім саласында қолдау көрсетеді.

«Бұл өңірлік қауіпсіздікті қамтамасыз етудегі біздің ортақ міндетіміз», – деді Смадияров.

Дональд Трамп бұған дейін де өз мәлімдемелерінде қателескен болатын. Мәселен, қазан айының ортасында Италия басшысы Серджо Маттарелламен өткен баспасөз мәслихаты кезінде Трамп АҚШ пен Италияны ортақ мәдени, саяси мұра байланыстыратынын айтқан болатын. Оның айтуынша, бұл мұра тарихы сонау Көне Рим заманынан бастау алады. Оның сөзі Италия тарапының аудармашысын қатты таңғалдырды.

Сондай-ақ, Трамп Маттарелланың тегін де шатастырып алып, танымал италиялық ірімшік «Моцареллаға» ұқсатып айтқан.

Біздің ең маңызды және қызықты жаңалықтарды біздің Telegram-каналдан оқыңыз
Өзге де қызықты мақалалар
Қазақстан Президенті Иранның Сыртқы істер министрін қабылдады
Кремль Назарбаевтың Украина мен Ресей басшыларын кездестіру туралы идеясына пікір білдірді
Тоқаев Словенияның экс-президентімен кездесті

Сұхбат
Ресейде 800-900 мың қазақ өмір сүріп жатыр деген мәлімет бар, кей дереккөзде 1,5 миллион деп жазылған
«Абайдың 45 сұрағына» Арыстанбек Мұхамедиұлы жауап берді 
Абайдың 45 сұрағына алғаш болып жауап берген - Мәжіліс депутаты Нұртай Сабильянов
Бүгінде Кореяда жұмыс істеп жатқан қазақтардың саны артып келеді. Күнкөріс қамымен шетел асып барғандардың көпшілігі визасыз жұмыс істеп жүр.