АҚШ президенті ел аумағына кіретін босқындар санын шектеді

Дональд Трамп АҚШ-та босқындарды қабылдау бойынша шектеуді төмендетуді бұйырды, деп хабарлайды Azattyq Rýhy «Хабар 24» сайтына сілтеме жасап.

Сөйтіп, 2020 қаржы жылы мемлекет ары кетсе, 18 мың мигрантты қабылдай алады. 2019 қаржы жылы мұнда 30 мың босқын табан тіреген болатын.

Айта кеткен жөн, Дональд Трамп сайлауалды науқаны кезінде көші-қон заңдарын күшейтуге уәде берген еді. Сол үшін президент саяси қарсыластары тарапынан талай мәрте сынға да ұшыраған. Олар «Мол мүмкіндіктеріне қарамастан, АҚШ мигранттарды қабылдау бойынша әлем көшбасшысы мәртебесінен айрылды» дейді.