Әнуар Нұрпейісов Шри-Ланкаға осыдан екі апта бұрын ғана кетті - Айсұлу Әзімбаева

Жарияланған:
16.10.2019, 17:36

Ата-анасы Қазақстанда, өзі үйленбеген. Мен онымен өте жақын араластым, бірақ ол қандайда бір саяси тапсырмалар орындады деген айыптауларға сенбеймін - дейді актриса

Соңғы сайлау қарсаңында өзін қоғамдық қайраткер ретінде көрсетуге талпынып, түрлі мәлімдемелерімен көзге түскен жас актер Әнуар Нұрпейісов екі күн бұрын Қазақстаннан кеткені туралы мәлімдеген болатын. Ол «YouTube» хостингіндегі өз каналында 12 минуттық бейнеролик жариялап, қайда жүргені туралы әңгімелейді. Актер Шри-Ланка мемлекетінде туризм саласында еңбек етуді бастағанын айтады. Бірақ президенттік сайлаудан кейінгі төрт айда қайда жүргенін және немен айналысқанын айтпайды.

«Осындай дүрбелең басталғанда мен өзіме: бұл өмірде маған не керек деген сұрақты қойдым. Жауабы дайын еді. Бақытты өмір сүру, ең құрығанда соған талпыну. Егер саяси ойындарға араласа бастасаң, бақыт деген ұғымнан алшақтай түседі екенсің. Сондықтан мен тек шығармашылықпен, саяхаттаумен айналыссам деп шештім. Әлемді тану, жаңа танымдық дүниелерді іздеу керек екен», - дейді ол өз фильмінде.

Әнуар Нұрпейісов «Мен ояндым» деп аталатын кампанияның белсендісі ретінде көзге түсті. Оның бастамасына қоғамдық белсенділер, журналистер, актерлер үн қосып, елде саяси реформалар жүргізуге үгіттеген. «Oyan, Qazaqstan!» деген атпен қозғалыс құрып, оның құрамына жас белсенділерді тарту басталған еді. Саяси науқан қызған уақытта Нұрпейісов белсенділігін күрт тоқтатты. Оның парақшасындағы жазылушылар осы уақыт аралығында Нұрпейісовтің әлеуметтік желіден көрінбей кеткенін жазды. Тіпті ол «жоғалып кетті» деп қауесет таратқандар да болды.

Актриса Айсұлу Әзімбаева Әнуармен жақсы араласқанын айтады. Олар «Мен ояндым» жобасына қатысып, бір-бірін қолдаған. Мұны «Инстаграм» желісіне бірігіп жариялаған фото, бейне жазбаларынан байқауға болады. Кино актрисасы оның соңғы айларда қайда болғанынан хабарсыз екенін айтады. Бірақ Әнуар Нұрпейісов Шри-Ланкаға екі апта бұрын ғана жолға шыққан.   

«Біз онымен Шри-Ланкаға кетерден үш күн бұрын кездестік. Бұл шамамен екі апта бұрын болатын. Негізі көктемде ол елден кеткісі келетінін айтқан болатын. Әркімнің өз таңдауы бар. Сондықтан мен оны қолдадым. Өкініштісі, ол -  елде өзгеріс болғанын қалайтындардың ішінде ойын ашық айтқан жастардың біреуі еді. Бірақ тиісті органдар оны  дұрыс түсінген жоқ. Ата-анасы Қазақстанда, өзі үйленбеген. Мен онымен өте жақын араластым, бірақ ол қандайда бір саяси тапсырмалар орындады деген айыптауларға сенбеймін», - дейді актриса.

Айсұлу Әзімбаева «Мен ояндым» жобасын жасағанда Әнуар да, оны қолдаған жастар да өз мүмкіндіктерін асыра бағалады деп есептейді. Яғни бұл бастаманың ғұмыры қысқа болатынын бәрі білгенін айтып берді.

Ришат Асқарбекұлы, Алматы

Біздің ең маңызды және қызықты жаңалықтарды біздің Telegram-каналдан оқыңыз
Өзге де қызықты мақалалар
КВН ойыншысы жоғары лауазымға ие болды
Алматы облысында 7 жасар баланың асқазанынан жарты кг ұйысқан шаш алынды
Тәрбиеші болу тек әйелдің ісі емес

Сұхбат
Ресейде 800-900 мың қазақ өмір сүріп жатыр деген мәлімет бар, кей дереккөзде 1,5 миллион деп жазылған
«Абайдың 45 сұрағына» Арыстанбек Мұхамедиұлы жауап берді 
Абайдың 45 сұрағына алғаш болып жауап берген - Мәжіліс депутаты Нұртай Сабильянов
Бүгінде Кореяда жұмыс істеп жатқан қазақтардың саны артып келеді. Күнкөріс қамымен шетел асып барғандардың көпшілігі визасыз жұмыс істеп жүр.