Ақмола облысында су жаңа автомобильдер тиеген көлік аударылып қалды

Ақмола облысында су жаңа автомобильдер тиеген автотасығыш көлік аударылып қалды, деп хабарлайды Azattyq Rýhy.

«Ситрак» маркалы көліктің жүргізушісі Қостанайды бетке алып, алдыңғы көлікті басып озбақ болған. Маневр жасау кезінде рөлге ие бола алмай, жолдан шығып кетіп, аударылып қалды.

Автотасығыштың үстінде сегіз жаңа қытай жеңіл көлігі болған. Оқыс оқиғадан ешкім зардап шеккен жоқ.

Жүргізуші көліктерді Алматыдан Қостанайға алып бара жатқан.