Қыз баланы пышақтап өлтірген: Ақмола облысында күдіктіні ұстау кезінде түсірілген видео жарияланды

Ақмола облысында 14 жастағы қыз баланы асқан қатігездікпен өлтірді деп күдіктелген ер адамның ұсталынған сәтінен видео жарияланды. Ол бір тәулікке жетер-жетпес уақытта Целиноград ауданының Родина ауылының маңында ұсталды, деп хабарлайды Azattyq Rýhy.

«Қазіргі уақытта күдікті уақытша ұстау изоляторына қамалды. Тергеу іс-шаралары жалғасуда, болған оқиғаның барлық мән-жайы анықталып жатыр. Тергеу барысы полиция департаменті басшылығының ерекше бақылауында», – делінген облыстық ПД хабарламасында.

Құқық қорғау органдары: күдікті заңның барлық қатаңдығымен жазаланатынын атап өтті. Кәмелетке толмағандарға қатысты зорлық-зомбылық мүмкіндігінше қатаң және ешқандай ерекшеліктерсіз тоқтатылады.

Естеріңізге сала кетейік, Ынтымақ ауылының 14 жастағы тұрғыны пышақ жарақатынан қайтыс болған. Оқиға 15 қарашаға қараған түні тіркелген. Құқық қорғаушылар дерек негізінде Қылмыстық кодекстің «Адам өлтіру» бабы бойынша іс қозғады.