Астана мен 13 өңірде ауа райына байланысты ескерту жарияланды

Астанада және Қазақстанның 13 облысында 9 қарашада ауа райының қолайсыздығына байланысты дауылды ескерту жарияланды, деп хабарлайды Azattyq Rýhy. 

Синоптиктердің мәліметінше, елдің басым бөлігінде жаңбыр мен қар түрінде жауын-шашын болып, кей жерлерде көктайғақ пен боран болады.

Астанада боран мен көктайғақ күтіледі

Елордада жаңбыр аралас қар жауып, боран мен көктайғақ болады деп болжанып отыр.

Желдің жылдамдығы секундына 20–23 метрге дейін жетеді.

Бірнеше облыста жел күшейіп, боран соғады

Ақмола облысында жауын-шашын, кей аймақтарда қар мен жаңбыр түрінде қатты жауын-шашын күтіледі. Жел екпіні 28 м/с-қа дейін жетуі мүмкін.

Қарағанды, Павлодар және Қостанай облыстарында да қар, жаңбыр, көктайғақ және төменгі боран күтіледі.

Солтүстік Қазақстан мен Шығыс Қазақстан облыстарында тұман түсіп, жел 23 м/с жылдамдықпен соғады.

Жамбыл мен Түркістан облыстарында түнде және таңертең тұман болады, кей жерлерде жел 20–28 м/с-қа дейін күшейеді.

Синоптиктердің ескертуі

Мамандар тұрғындарға жолда сақ болуға, ал жүргізушілерге алыс сапардан бас тартуғакеңес беріп отыр.

«Қолайсыз ауа райы жағдайында көлік қозғалысы мен байланыс жүйелерінде кідірістер болуы мүмкін», – деп ескертті «Қазгидромет».