Ұйықтаған кезде қалай жатқан дұрыс – диетолог кеңес берді
Сол жақ бүйірмен ұйықтау дененің оң жағымен өтетін басты көктамырға түсетін қысымды азайтады
Испаниялық диетолог Реме Наварро ұйқы уақытындағы ең пайдалы қалыпты атады, деп хабарлайды Azattyq Rýhy.
Ол 20minutos басылымына берген сұхбатында ең дұрысы сол жақ бүйірмен ұйықтау екенін атап өтті.
Маманның айтуынша, мұндай дене қалпы ас қорыту жүйесінің қалыпты жұмыс істеуіне ықпал етеді – тағам ішекте жеңіл қозғалады, ал бауыр тиімдірек жұмыс істейді.
«Бұдан бөлек, сол жақ бүйірмен ұйықтау дененің оң жағымен өтетін басты көктамырға түсетін қысымды азайтады, бұл жүректің жұмысын жеңілдетіп, қан айналымын жақсартады», - деп жазды басылым.
Наварроның айтуынша бұл қалып қыжылды азайтуға көмектеседі және әсіресе жүкті әйелдер үшін пайдалы: ол баланың жолдасы қанмен қамтамасыз етілуін жақсартады әрі бауыр мен бүйрекке түсетін қысымды төмендетеді.
Еске сала кетейік, бұған дейін ғалымдар қандағы қант деңгейін төмендетуге көмектесетін кешкі астың оңтайлы уақытын анықтаған болатын. Талдау кешкі асты неғұрлым кеш ішсе және көмірсулар неғұрлым көп болса, таңертеңгі глюкоза деңгейі соғұрлым жоғары болатынын көрсетті.
