Әлемде коронавирус жұқтырғандар саны 10 миллионнан асты

Әлемде COVID-19 вирусын жұқтырғандар 10 миллионнан асты. Эпидемия басталғалы бері 500 мыңнан астам адам қайтыс болып, 5 миллионнан астам адам жазылып шықты, деп хабарлайды Azattyq Rýhy тілшісі Джонс Хопкинс университетінің деректеріне сілтеме жасап.

Әлемде науқастар саны жағынан бірінші орында АҚШ тұр. Мұнда 2,5 миллион адамнан коронавирус табылған, 128 мыңнан астам науқас COVID-19-дан қайтыс болған. Екінші орында тұрған Бразилияда 1 миллион 300 мың адам вирус жұқтырып, 57 мыңнан астам адам көз жұмған. Үшінші орында тұрған Ресейде 634 мыңнан астам адамға COVID-19 диагнозы қойылған. Үш жарым айдан астам уақыттан бері 9 мыңнан астам науқас қайтыс болған.

Айта кету керек, Қазақстан бойынша коронавирус жұқтырғандар саны 20780 адамға жетсе, жазылып шыққандардың қатары 12933 адамға жетті. Ал коронавирустан көз жұмғандар саны 178 адам болды.