Шығыс Қазақстандағы асуда қыс соңына дейін көлік қозғалысы шектеледі
Бұл шара күрделі тау жағдайларына байланысты жол қозғалысы қауіпсіздігін қамтамасыз ету мақсатында қабылданып отыр
Шығыс Қазақстан облысындағы Осинов асуында жүк көліктерінің қозғалысына шектеу енгізіледі, деп хабарлайды Azattyq Rýhy.
«2025 жылғы 5 қараша сағат 08:00-ден бастап Шығыс Қазақстан облысында тіркемесі мен жартылай тіркемесі бар жүк көліктерінің қозғалысына уақытша шектеу енгізіледі», - деп жазылған «ҚазАвтоЖол» хабарламасында.
Бұл шара Осинов асуындағы күрделі тау жағдайларына байланысты жол қозғалысы қауіпсіздігін қамтамасыз ету мақсатында қабылданып отыр
«Шектеу республикалық маңызы бар «Өскемен – Алтай – Катонқарағай – Рахман қайнары» автожолының 46–66 шақырымындағы (Северное ауылы – Серебрянск қаласы аралығы) учаскесінде қысқы маусым аяқталғанға дейін енгізіледі», - деп түсіндірді компания мамандары.
