Германия тұрғыны БҚО-да экс-күйеуі сатқан сауда үйін қайтармақ болды
18 жыл бұрынғы сауда үйін даулаған әйелдің талабы қанағаттандырылмады
Германия тұрғыны Батыс Қазақстан облысындағы сауда үйін сату жөніндегі 18 жыл бұрын экс-күйеуі жасаған мәмілені жарамсыз деп тану туралы талап арызбен сотқа жүгінді, деп хабарлайды Azattyq Rýhy.
Ол сауда үйін некеде тұрған кезде бірлесіп сатып алғанын және оның келісімінсіз сатылғанын көрсеткен.
Алайда, азаматша талап қою мерзімінің өтіп кеткенін көрсеткен. Мәміле 18 жыл бұрын жасалған, ал неке 15 жыл бұрын бұзылған. Ажырасу кезінде Н. ешқандай мүліктік талап қоймаған, Германияда тұрған, бірақ Қазақстанға бірнеше рет келген.
«Осы уақытқа дейін сауда үйі қайта сатылып, қайта жөндеуден өтіп, кәсіпкерлік қызметте пайдаланылды. Мәміленің жарамсыз болуы адал иелері мен серіктестерінің құқықтарына әсер етуі мүмкін.
Осы мән-жайлар бойынша сот талап қоюды қанағаттандырудан бас тарту туралы шешім қабылдады», – делінген соттың хабарламасында.
Шешім заңды күшіне енді.
