Іле Алатауда сирек кездесетін Түркістан сілеусіні камераға түсіп қалды (ВИДЕО)

Іле Алатау мемлекеттік ұлттық табиғи паркінің аумағында сирек кездесетін жыртқыш – Түркістан сілеусіні (Lynx lynx isabellinus) видеоға түсіп қалды, деп хабарлайды Azattyq Rýhy.

Ақсай филиалының инспекторлары жүргізген рейд барысында Қазақстанның Қызыл кітабына енгізілген бұл жануар бейнежазбаға түсірілді.

Әдетте тек фототұзақ арқылы тіркелетін сілеусін бұл жолы небәрі 5-10 метр қашықтықта кездесті.

«Аталған оқиға ұлттық парк аумағындағы биоалуантүрліліктің сақталуын және табиғатты қорғау шараларының тиімділігін айқын көрсетеді», – делінген Іле Алатау мемлекеттік ұлттық табиғи паркінің хабарламасында.