Барлық меморган сайттары бір жерге топтастырылды

17 министрлік, 48 Комитет және 10 жергілікті атқарушы орган интернет-ресурстардың бірыңғай платформасына көшті, деп хабарлайды Azattyq Rýhy тілшісі «Ұлттық ақпараттық технологиялар» АҚ-ға сілтеме жасап.

Мемлекеттік орган және оның құрылымдық бөлімшесі туралы негізгі ақпарат ашық түрде, олардың ресми интернет-ресурстарында жарияланады. Мұндай сайттардың саны жүздеген болып есептеле бастады, мысалы, бұл министрліктердің, олардың комитеттері мен департаменттерінің сайттары, облыстар, қалалар, аудандар, ауылдар және басқа да ведомстволардың әкімдіктерінің сайттары.

«МО ИРБП мемлекеттік органдардың барлық сайттарын біріктіріп, ақпарат алу мен өзара іс-қимыл жасаудың бірыңғай терезесіне айналды. Менің ойымша, біз үлкен жұмыс атқардық және сол арқылы азаматтар мен мемлекеттің өзара іс-қимыл процесін жеңілдеттік», – деді «Ұлттық ақпараттық технологиялар» АҚ Басқарма төрағасы Әсет Тұрысов.

МО ИРБП -да барлық мемлекеттік органдар үшін олардың құрылымдық және аумақтық бөлімшелерін ескере отырып, 900-ге жуық бөлім құрылған. Контентті толтыру бойынша жұмыстар жалғасып жатыр.