Абай облысының полициясы жүргізушілерге ескерту жасады

Абай облысында алғашқы қардың түсуіне байланысты полиция тұрғындарды жолдарда сақ болуға шақырды, деп хабарлайды Azattyq Rýhy өңірдегі полиция департаментінің баспасөз қызметіне сілтеме жасап.

«Ауа температурасы төмендеп, жауын-шашынның түсуіне байланысты жолдағы жағдай күрт қиындады: қар аралас жаңбыр жауып, жел соғып, жол тайғақ болып тұр», - деп жазылған хабарламада.

Абай облысының полиция департаменті жүргізушілерге мынадай сақтық шараларын қатаң ұстануды ескертті:

• қысқы дөңгелектерге уақытылы ауысуды жоспарлау;
• қозғалыс жылдамдығын қатаң сақтау;
• алдындағы көлікке дейінгі арақашықтықты ұлғайту.

Бұл қарапайым ережелер жол-көлік оқиғаларының алдын алуға, өмір мен денсаулықты сақтауға көмектеседі.