Қазақстандық гимнаст әлемдік турнирде алтын медаль жеңіп алды

Спорттық гимнастикадан Қазақстан ұлттық құрамасының көшбасшыларының бірі Милад Карими Сомбатхейде (Венгрия) өткен Challenge кубогы кезеңінде алтын медаль жеңіп алды, деп хабарлайды Azattyq Rýhy.

Olympic.kz мәліметінше, қазақстандық спортшы кермедегі жаттығуларда жеңіс тұғырының ең биік сатысына көтерілді.

Карими финалда 14.750 ұпай жинап, жеңімпаз атанды. Одан кейінгі орынға колумбиялық Анхель Барахас (14.650) тұрақтаса, Чили өкілі Луциано Летелье (14.250) үздік үштікті түйіндеді.

Айта кетейік, бұған дейін Дмитрий Патанин еркін жаттығуларда жеңіске жеткен еді.