Түркістан соты инфаркт алған науқасқа асыққан дәрігерге салынған айыппұлды жойды

Түркістанда сот инфаркт алған науқасқа асыққан дәрігерге салынған айыппұлды жойды, деп хабарлайды Azattyq Rýhy.

Кардиохирург Бекзат Османов шұғыл операцияға жету үшін жолға шыққанда, көлігін полицейлер тоқтатқан. Себеп – алдыңғы әйнектеріне перде орнатуы. Жағдайды түсінген тәртіп сақшылары дәрігерді ауруханаға дейін жеткізіп салған. Алайда жол бойында камералар оның жылдамдықты асырғанын тіркеп, атына айыппұл келген.

Маман сотқа жүгініп, шешім ауданаралық сотта қаралды. Сот дәрігердің әрекеті адам өмірін құтқару үшін аса қажетті жағдайда жасалғанын атап өтіп, айыппұлды жойды.

Сонымен бірге дәрігер әйнектерге перде орнатқаны үшін салынған әкімшілік жазаны өз еркімен төлеген.