Жаңбыр, жел, найзағай: 22 қыркүйекте ауа райы қандай болады

«Қазгидромет» синоптиктері 2025 жылғы 22 қыркүйекке арналған ауа райы болжамын жариялады. Көптеген өңірде жаңбыр мен найзағай күтіледі, кей жерлерде бұршақ жауады, деп хабарлайды Azattyq Rýhy. 

Қай өңірлерде жауын-шашын болады?

Синоптиктердің хабарлауынша, еліміздің шығыс аймақтарынан басқа өңірлердің бәріндежаңбыр жауып, найзағай ойнайды.

• Солтүстік облыстардың кейбір аудандарында бұршақ түсуі ықтимал.
• Республиканың оңтүстігінде шаңды дауыл, ал солтүстікте күшті жел күтіледі.
• Түнгі және таңғы уақытта тұман түседі.

Суық түн – алғашқы үсік

22 қыркүйекке қараған түні: Абай облысының батысында, Шығыс Қазақстанның шығысында -1 °C үсік күтіледі.

Батыс Қазақстанның солтүстігінде, Атыраудың шығысында, Маңғыстаудың оңтүстігінде, Қостанай облысында жоғары өрт қаупі сақталады.

Төтенше өрт қаупі сақталған аймақтар

Синоптиктердің болжамынша, бірқатар өңірде өрттің таралу қаупі өте жоғары:

• Түркістан, Қызылорда, Атырау облыстары;
• Жамбыл облысының батысы, солтүстігі мен орталығы;
• Маңғыстау облысының солтүстік-батысы мен оңтүстік-шығысы;
• Батыс Қазақстан облысының батысы, солтүстігі мен шығысы;
• Ақтөбе облысының батысы, солтүстігі, солтүстік-шығысы және орталығы;
• Алматы облысының солтүстігі мен орталығы;
• Қарағанды облысының оңтүстігі;
• Ұлытау облысы;
• Жетісу облысының батысы мен шығысы.