Пандемия салдары ондаған жылға созылады - ДДСҰ басшысы
Ол әлемде небәрі 8 күнде 1 млн адамнан COVID-19 анықталғанын айтты
Дүниежүзілік денсаулық сақтау ұйымының бас директоры Тедрос Адханом Гебрейесус коронавирус пандемиясының әлі де белең алып жатқанын және оның салдары ондаған жыл бойы сезілетінін айтты, деп хабарлайды Azattyq Rýhy тілшісі БАӘ ұйымдастарған онлайн-конференцияға сілтеме жасап.
Гебрейесус коронавирус жұқтырған алғашқы миллион адам үш айда тіркелсе, соңғы 8 күнде 1 миллион адамнан COVID-19 анықталғанын атап өтті.
«Пандемия денсаулық сақтау саласының ғана дағдарысы емес. Бұл - экономикалық дағдарыс, әлеуметтік дағдарыс, тіпті, кей мемлекетте саяси дағдарысқа айналды. Оның салдары ондаған жыл бойы сезілетін болады», - деді ол.
ДДСҰ басшысы пандемияны ешбір мемлекет жалғыз өзі жеңе алмайтынын айтты.
