Қазақстан FIFA рейтингісінде 118-орынға дейін сырғып кетті

FIFA ерлер арасындағы ұлттық құрамалардың жаңартылған рейтингісін жариялады. Қазақстан құрамасы төрт сатыға төмендеп, 118-орынға тұрақтады, деп хабарлайды Azattyq Rýhy.

Жаңартылған рейтингте Қазақстан құрамасы Нигер мен Индонезияның ортасында орналасқан. Мұндай нәтиже 2026 жылғы әлем чемпионатының іріктеуіндегі қыркүйек айындағы ойындармен байланысты:

• Астанада өткен ойында Қазақстан Уэльске 0:1 есебімен есе жіберді;
• Брюссельдегі кездесуде Бельгиядан 0:6 есебімен жеңілді.

FIFA тізімінің жоғарғы бөлігінде де өзгерістер бар:

• Испания бірінші орынға көтерілді;
• Аргентина үшінші орынға түсті;
• Франция екінші орнын сақтап қалды;
• Германия ТОП-10-нан шығып, 13-орынға түсіп қалды.