Ақтау маңында үш көлік бір-біріне соғылып, елдің зәресін алды

Оқиға 24 тамыз күні кешкі уақытта болды

Ақтау қаласының маңындағы жолда 24 тамыз күні адам шошырлық жол-көлік оқиғасы болды. Бұл туралы Azattyq Rýhy агенттігі Lada.kz-ке сілтеме жасап хабарлайды.

Полицияның мәліметінше, 24 тамыз күні сағат шамамен 21:30-да «Caspi Bitum» зауытының қарсы бетінде үш автокөліктің қатысуымен жол апаты тіркелген.

Toyota Camry көлігінің жүргізушісі Renault Sandero және Lada (ВАЗ) маркалы көліктерімен соқтығысқан.

Полиция мәліметінше, Toyota Camry автокөлігінің жүргізушісі ҚР ӘҚБтК-нің 610-бабы бойынша жауапкершілікке тартылды.

Ведомствода атап өткендей, апаттан ешкім зардап шеккен жоқ.

Мақалада

#Ақтау #жол апаты #жол-көлік апаты

Алдыңғы жаңалық

Ежелгі сарматтарға тиесілі ме: БҚО-да 150-ге жуық көне қорған табылды