33 градусқа дейін жылынады: алдағы күндерге арналған ауа райы болжамы жарияланды

«Қазгидромет» РМК алдағы бірнеше күнге арналған ауа райы болжамын жариялады, деп хабарлайды Azattyq Rýhy.

Синоптиктердің болжамынша, алдағы күндері солтүстік-батыс циклонының ықпалы республиканың басым бөлігіне сақталады – найзағаймен жаңбыр жауады, солтүстік өңірлерде қатты жаңбыр, бұршақ жаууы мүмкін.

Ауа райы кезеңнің соңына қарай республика батысы мен солтүстік-батысына батыс антициклонының тарамы ығысып, жауын-шашынның тоқтауы күтіледі. Республика бойынша жел күшейеді, солтүстікте түнде және таңертең – тұман.

• Солтүстікте түнде +8…+15°С, күндіз +20…+25°С дейін төмендейді.
• Орталықта түнде +9…+18°С, күндіз +18…+30°С.
• Шығыста түнде +7…+18°С, күндіз +19…+27°С.
• Батыста түнде +15…+23°С дейін жоғарылап, күндіз +30…+37°С.
• Солтүстік-батыста түнде +8…+16°С, күндіз +25…+33°С.
• Оңтүстікте түнде +13…+22°С, күндіз біртіндеп төмендеп +27…+35°С.
• Оңтүстік-шығыста түнде +10…+22°С, күндіз біртіндеп төмендеп +20…+32°С күтіледі.