Қарағанды облысының әкімдігі желіде жалған хабарлама таратпауға шақырды

15 тамыз бен 15 қыркүйек аралығында Қарағанды облысының аумағында әскери оқу-жаттығу өткізіледі, деп хабарлайды Azattyq Rýhy.

Қарағанды облысы әкімдігінің мәліметінше оқу-жаттығу жауынгерлік дайындық іс-шаралары аясында алдын ала жоспарланған.

«Оқу-жаттығу барысында бөлімшелер полигондарға аралас тәсілмен – теміржол, әуе және автокөлікпен марш жасайды. Әскери техниканың жүру бағыттары туралы ақпарат мүмкіндігінше алдын ала хабарланады», - деп түсіндірді әкімдік.

Аталған іс-шараларды өткізу мемлекеттік және жеке меншік құрылымдардың жұмысына, сондай-ақ азаматтардың күнделікті өміріне кері әсерін тигізбейді.

«Әлеуметтік желі қолданушыларын тексерілмеген хабарламалар мен бейнематериалдарды таратпауға, тек ресми ақпарат көздеріне сенуге шақырамыз», - дейді мамандар.