Димаш Құдайберген Мехикода екі концерт өткізетінін мәлімдеді

Димаш Құдайберген 8 және 10 қазанда Мехикода концерті өтетіні туралы хабарлады. Ол бұл туралы әлеуметтік желіде жазды, деп хабарлайды Azattyq Rýhy.

«Құрметті достар! Мексикадағы алғашқы жеке концерттің билеттері өте тез сатылып кетуіне байланысты жанкүйерлердің өтініштері бойынша «ДимашАли» шығармашылық орталығы Мехикодағы екінші «Stranger» шоуын жариялайды. Концерт 10 қазанда Palacio de los Deportes сарайында өтеді.  Билеттердің алдын ала сатылымы 14 тамыз сағат 11:00–де Banamex-те ашылады», — деп жазды.

Жалпы сатылым — 15 тамыз, жергілікті уақыт бойынша сағат 11:00.