Алматының орталық көшелері жексенбі күні уақытша жабылады

Алматыда 10 тамыз күні Абай Құнанбайұлының ескерткішіне гүл шоқтарын қою рәсіміне байланысты Абай және Достық даңғылдарында көлік қозғалысы уақытша шектеледі. Жолдар сағат 09:00-ден 11:00-ге дейін жабылады, деп хабарлайды Azattyq Rýhy.

Көлік қозғалысы мына учаскелерде тоқтатылады:

• Абай даңғылы – Назарбаев даңғылынан Достық даңғылына дейін;
• Достық даңғылы – Құрманғазы көшесінен Сәтбаев көшесіне дейін.

Әкімдік мәліметінше, ресми шара сағат 10:00-де Республика сарайының алдындағы Абай алаңында басталады.

Қала тұрғындары мен қонақтарынан уақытша қозғалыс сызбаларындағы өзгерістерге түсіністікпен қарап, маршруттарын алдын ала жоспарлауы сұралады.

Абай Құнанбайұлының 180 жылдығына орай Алматыда жыл соңына дейін 120-дан астам іс-шара өткізу жоспарланған.