Қазақстанда тағы бір тасжол ақылы болады

Көлік министрінің міндетін атқарушы жаңа бұйрыққа қол қойды

Фото: istockphoto.com

Қазақстанда жүргізушілер үшін тағы бір тасжол ақылы болмақ. Көлік министрінің міндетін атқарушы Ақтау – Бейнеу республикалық маңызы бар автожолын ақылы негізде пайдалану туралы бұйрыққа қол қойды, деп хабарлайды Azattyq Rýhy.

Ақылы жол қай учаскелерді қамтиды?

Ақылы жол ретінде тіркелген аумақ:

Ақтау – Жетібай – Шетпе – Бейнеу бағытындағы республикалық маңызы бар жалпы қолданыстағы автокөлік жолы.

Бұл жол — II санаттағы Доссор – Құлсары – Бейнеу – Сай-Өтес – Шетпе – Жетібай – Ақтау трассасының бөлігі.

Альтернатив жолдар бар ма?

Иә. Жүргізушілер келесі балама бағыттарды пайдалана алады:

Ақтау – Құрық (республикалық маңызы бар жол),
Құрық – Жетібай,
Жетібай – Жаңаөзен – Түрікменстан шекарасы,
Жаңаөзен – Қызылсай (аудандық маңызы бар жол),
Сай-Өтес – Қарақұдық – Қызылсай (облыстық маңызы бар жол).

Ақылы жолдың ұзындығы және қозғалыс жолағы

Ұзындығы: 272,15 шақырым
Бастапқы нүктесі: 786 км
Аяқталу нүктесі: 513+850 км
Жолақ саны: 1 немесе 2 жолақ (екі бағытта)

Жол ақысы қанша тұрады?

2025 жылы бір жол жүру үшін бекітілген төлемдер мынадай (АЕК = 3932 ₸):

Көлік түрі	Постоплата (теңге)	Алдын ала төлем (теңге)
Жеңіл көлік	149 ₸	127 ₸
16 орынға дейінгі автобустар және 2,5 т дейінгі жүк көліктері	2000 ₸	1698 ₸
32 орынға дейінгі автобустар және 5,5 т дейінгі жүк көліктері	4035 ₸	3428 ₸
32 орыннан жоғары автобустар және автопоезы 10 т дейінгі жүк көліктері	6026 ₸	5120 ₸
10–15 т жүк көліктері	8063 ₸	6856 ₸
15 т жоғары жүк көліктері (прицеппен, тіркемемен)	10061 ₸	8555 ₸

Абоненттік төлем (айлық және жылдық)

Көлік түрі	Айлық абонплата	Жылдық абонплата
Жеңіл көлік	Қарастырылмаған	1 МРП (3932 ₸)
Автобустар және жүк көліктері	1–5 МРП	12-60 МРП (47 184 – 235 920 ₸)