Қазақстанда бірқатар судья заңды өрескел бұзғаны үшін жауапқа тартылды

Жоғарғы сот кеңесі жанындағы Сот алқасының кезекті отырысында 10 судьяға қатысты тәртіптік істер қаралды, деп хабарлайды Azattyq Rýhy.

Қарау қорытындысы бойынша 7 судья тәртіптік жауапкершілікке тартылды, оның ішінде:

• 4 судья – сот ісін қарау барысында заңдылықты өрескел бұзғаны үшін (оның ішінде 2 судьяға – сөгіс, 2 судьяға – ескерту түріндегі жаза қолданылды);
• 3 судья – судьялық этика нормаларын бұзғаны үшін (оның ішінде 1 судьяға – сөгіс, 2 судьяға – ескерту берілді).

Ал 3 судьяға қатысты тәртіптік іс-қозғау тәртіп бұзушылық құрамы болмауына байланысты тоқтатылды.

Жоғарғы сот кеңесі Сот алқасының шешімдері әлі заңды күшіне енбегенін атап өтті. Судьялар бұл шешімдерге белгіленген тәртіппен шағым түсіруге құқылы.