Қостанай облысында жемқорлардан қайтарылған ақшаға әлеуметтік нысандар салынып жатыр

Қостанай облысында жемқорлардан қайтарылған қаражат есебінен тұрғын үй-коммуналдық шаруашылық, денсаулық сақтау және білім беру салаларында маңызды әлеуметтік жобалар іске асырылып жатыр, деп хабарлайды Azattyq Rýhy.

Ауыл тұрғындары ауыз сумен қамтылады

Атап айтқанда, Қостанай облысының Фёдоров ауданына қарасты Лесное және Берёзовка ауылдарында прокуратура органдары қайтарған активтер есебінен 24 шақырымдық су құбыры салынып жатыр. Бұл жоба аталған ауылдарды орталықтандырылған ауыз сумен қамтуға мүмкіндік береді.

Құрылыстың аяқталу мерзімі – 2025 жылдың қазаны

Құрылыс жұмысын «Қостанайсельхозводопроводстрой» ЖШС жүргізуде. Жобаны 2025 жылғы қазан айына дейін аяқтау жоспарланған.