Шілдеде жемқорлық бойынша 17 іс қозғалды – ҰҚК

Қазақстан Ұлттық қауіпсіздік комитетінің Қылмыстық-процестік департаменті 2025 жылдың шілде айында 17 жемқорлық және онымен байланысты құқықбұзушылықты тіркеді, деп хабарлайды Azattyq Rýhy Сыбайлас жемқорлыққа қарсы қызмет деректеріне сілтеме жасап.

Анықталған қылмыстардың басым бөлігі төмендегі баптармен тіркелді:

• Пара алу (ҚР ҚК 366-бабы) – 5 дерек
• Пара беру (ҚР ҚК 367-бабы) – 4 дерек
• Қызметтік өкілеттілікті асыра пайдалану (ҚР ҚК 362-бабы) – 3 дерек.

Қылмыстық істер сотқа жолданды

Тергеу нәтижесінде 16 іс сотқа жолданды. Бұл істердің ішінде:

•  6 – алаяқтық (ҚР ҚК 190-бабы)
• 3 – пара беру
• 2 – пара алу
• 1 – қылмысты жасыру (ҚР ҚК 433-бабы)

Сонымен қатар ақша жылыстату мен мемлекет мүлкін иемдену деректері де тіркелген.

Қанша залал өтелді?

Залал сомасы – 113,6 млн теңге. Бұл – тергеуі аяқталған істер бойынша мемлекетке қайтарылған қаражат көлемі. Сонымен бірге:

• 619,1 млн теңгеге мүлікке тыйым салынды
• Жемқорлық туралы хабар берген 2 азаматқа 471,8 мың теңге көлемінде сыйақы берілді

«Жемқорлықпен күрес аясында барлық дерек тіркеліп, сотқа дейінгі тергеп-тексеру шаралары жүргізіліп жатыр», – делінген ҰҚК мәліметінде.