Қазақстаннан Өзбекстанға 180 iPhone алып өтпек болғандар ұсталды
Контрабандалық әрекет «Навои» бекетінде әшкере болды
Фото: Өзбекстанның Ташкент облыстық кеден басқармасы
Өзбекстан мен Қазақстан шекарасындағы «Навои» кеден бекетінде төрт азамат iPhone маркалы 180 ұялы телефонды заңсыз алып өтпек болған кезде ұсталды, деп хабарлайды Azattyq Rýhy Өзбекстанның Ташкент облыстық кеден басқармасына сілтеме жасап.
Телефондар киім астына және жолжүгінің ішіне жасырылған
Кедендік бақылау кезінде жолаушылардың беліне, киім астына және қол сөмкелеріне жасырылған iPhone смартфондары табылған.
- Телефондарды тығып өтпек болған;
- Барлығы 180 дана смартфон тәркіленді;
- Құрылғылардың жалпы құны – шамамен 45 млн теңге (1 млрд 80 млн өзбек сомы).
«Контрабандалық әрекет кеден қызметінің жеке қауіпсіздік және заңсыз айналыммен күрес бөлімдері жүргізген жедел шара барысында анықталды», – делінген ресми хабарламада.
Тергеу басталды
Қазір бұл дерек бойынша сотқа дейінгі тексеру жүріп жатыр. Кінәлі азаматтарға қатысты нақты шешім тергеу нәтижесінде белгілі болмақ.
Көп оқылған
06.05.2026, 09:48
Тоқаев немістің Рейхстагтан кейінгі ордасы Ратушаға бірінші болып кірген батырға «Халық қаһарманы» атағын берді
06.05.2026, 11:15
Талдықорғанда арыққа ағып кетіп, жүрегі тоқтап қалған екі жасар қызды жедел жәрдем дәрігері қайта «тірілтіп» алған
06.05.2026, 10:02
Павлодардағы емхананың кезегіне таласқан халық есік ашылғанда бір-бірін таптап кете жаздаған (ВИДЕО)
06.05.2026, 10:18
«Бұл - таңдау емес, мәжбүрлеу әрі бопсалау»: BI Service үйді күтіп-ұстау үшін бір шаршы метрдің тарифін 270 теңгеге дейін қымбаттатпақ
