Ақтөбе мешітіндегі оқиғадан кейін ер адам полицияға жеткізілді (ВИДЕО)

Ақтөбе қаласындағы «Нұр Ғасыр» мешітінен шығатын жерде келуші қыздың жолын бөгеп, әдепсіз сөздер айтқан ер адам жауапкершілікке тартылды, деп хабарлайды Azattyq Rýhy Polisia.kz-ке сілтеме жасап.

25 шілде күні болған оқиғаның видеосы әлеуметтік желіде жарияланды.

«Ақтөбе облысы полиция департаменті қызметкерлері жүргізген жедел-іздестіру шаралары нәтижесінде ер адамның жеке басы анықталды. Мән-жайды анықтау үшін ол ішкі істер органдарына жеткізілді», - деп жазылған хабарламада.

Ведомствоның мәліметінше құқықбұзушымен профилактикалық әңгіме жүргізілді. Оған мұндай әрекеттерге жол бермеу керектігі жөнінде қолданыстағы заңнама талаптары түсіндірілді.

«Сонымен қатар ҚР ӘҚБтК-нің 449-бабы 2-бөлігіне (Қоғамдық орында тиісу) сәйкес әкімшілік хаттама толтырылды», - дейді полицейлер.

Материал сотқа жіберіледі.