Біртановтің жағдайы орташа ауыр – ДСМ

Министр 13 маусымда коронавирус жұқтырып алғанын мәлімдеді

Біртановтің жағдайы орташа ауыр – ДСМ

Коронавирус жұқтырып ауруханаға түскен Денсаулық сақтау министрі Елжан Біртановтің жағдайын дәрігерлер орташа ауыр деп бағалады. Оған пневмония диагнозы қойылған деп хабарлады Zakon.kz.

«Елжан Амантайұлы коронавирустық инфекция, пневмония диагнозымен стационарлық ем қабылдап жатыр. Дәрігерлер оның жағдайын орташа ауыр деп бағалады. Емдеу шаралары клиникалық хаттамамаға сәйкес жүргізіліп жатыр. Министр вирусқа қарсы терапияны ойдағыдай өткізуде», - деді Денсаулық сақтау министрлігінің ресми өкілі Диас Ахметшәріп.

Біртанов ауруханада жатып коронавирус инфекциясына қарсы күрес штабының жұмысын үйлестіріп отыр.

×
Бұл желілік ресурстың ақпараттық өнімдері 18 жастан асқан адамдарға арналған.