Сахнадан кеткен Төреғали Төреәлі қазір немен айналысып жүргенін көрсетті (ВИДЕО)

Сахнадан кеттім деген Төреғали Төреәлі жаңа тележоба ашты, деп хабарлайды Azattyq Rýhy.

«TORE SHOW — менің жаңа авторлық тележобам! Әр бейсенбі, ASTANA MUSIC HALL сахнасында. Жаңа қонақ. Жаңа тақырып. Жаңа ән», - деп жазды әртіс желідегі парақшасында.

Айтуынша бұл кеште бәрі болады:

• шынайы арнау,
• терең сұхбат,
• әсерлі әндер,
• ерекше сюрприздер.

Көрермендер саны — небәрі 150 адам. Ерекше атмосферада өтетін, тек қонақтарға арналған кеш.

«Көзді ашып-жұмғанша алғашқы TORE SHOW өтті. Бұл — менің шығармашылық жолымдағы жаңа белес, жаңа тыныс. TORE SHOW — арманнан туған ақиқат», - дейді Төреғали.

⠀Алғашқы бағдарламада Нұрлан имам қонақта болған.

«Бұл кеш — жай ғана шоу емес, бұл — сырласу, бұл — өнердің салтанаты. Әсем зал, көрерменнің ыстық ықыласы, әуен мен әңгіме өрілген сәттер — бәрі жүректе жатталып қалды. Біз енді әр бейсенбіде кездесеміз. Әр бейсенбі — жаңа оқиға, жаңа өнерпаз, жаңа арнау», - деп түйіндеді өнерпаз.

Еске сала кетейік, кеше Төреғали Төреәлі аяқ астынан ешкім күтпеген мәлімдеме жасап, сахнадан кететінін мәлімдеген болатын. Кейін бұрынғы продюсері Жан Мұқановпен қайта табысып, ресми келісімшартқа отырғаны туралы ақпарат шықты.